இலங்கையின் வெங்காயம் மற்றும் உருளைக்கிழங்கு விவசாயிகளுக்கு வேறு இடங்களில் பயன்படுத்தப்படும் நுட்பங்களில் பயிற்சி அளிக்கப்பட வேண்டும் மேலும் பிற நாடுகளில் உள்ள தங்கள் சகாக்களிடமிருந்து கற்றுக்கொள்ள வாய்ப்பு வழங்கப்பட வேண்டும் என்று எதிர்க்கட்சித் தலைவர் சஜித் பிரேமதாச தெரிவித்துள்ளார்
அவர் மேலும் தெரிவித்துள்ளதாவது
ராஜபக்சாக்களின் காலத்தில் காணப்பட்ட வெங்காயம் உருளைகிழங்கிற்கான இறக்குமதி பாதுகாப்பை அனுரகுமாரதிசநாயக்க அரசாங்கமும் பின்பற்றுகின்றது இதன் காரணமாகவே இலங்கையில் உற்பத்தி செய்வதற்கு அதிக செலவாகின்றது
மோசமான பயிர்ச்செய்கை நடைமுறைகள் மற்றும் மோசமான விதைகள் காரணமாகவும் விளைச்சல் குறைவாக உள்ளது.
இறக்குமதி பாதுகாப்பு காரணமாக வெங்காயமும் உருளைகிழங்கும் ஏற்றுமதி செய்வதற்கான தரத்தில் இல்லை நுகர்வோர் இவற்றிற்கு அதிக விலையை செலுத்தவேண்டிய நிலை காணப்படுகின்றது, சிறுவர்கள் மந்தபோசனையால் பாதிக்கப்படுகின்றனர்.
உலகத்திலிருந்து நாம் கற்றுக்கொள்ள நிறைய பாடங்கள் உள்ளன.
“முன்னேற்றமடைந்த விவசாயத்தைப் பயன்படுத்தும் நாடுகளுக்கு வெங்காயம் மற்றும் உருளைக்கிழங்கு விவசாயிகளின் குழுக்களை நாம் அனுப்ப வேண்டும்.
