ஈரான் மற்றும் அமெரிக்காவிற்கு இடையிலான மோதல் காரணமாக ஹார்முஸ் நீரிணை (Strait of Hormuz) கிட்டத்தட்ட முழுமையாக மூடப்பட்டுள்ள நிலையில், உலகளாவிய விநியோகச் சங்கிலியில் பாரிய மாற்றங்கள் ஏற்பட்டுள்ளன. இதன் விளைவாக, பாதுகாப்பான பாதையாகக் கருதப்படும் பனாமா கால்வாயைப் (Panama Canal) பயன்படுத்துவதற்கான கேள்வி (Demand) முன்னெப்போதும் இல்லாத வகையில் அதிகரித்துள்ளது.
:
ஏலக் கட்டணம் (Auction Fees): பனாமா கால்வாயைக் கடக்க வழக்கமாக ஒரு நிலையான கட்டணம் வசூலிக்கப்படும். ஆனால், முன்பதிவு செய்யாத நிறுவனங்கள் நீண்ட நாட்கள் காத்திருப்பதைத் தவிர்க்க, ஏல முறையில் (Auction) கூடுதல் கட்டணம் செலுத்தி முன்னுரிமை பெறலாம்.
4 மில்லியன் டொலர் சாதனை: அண்மைய வாரங்களில், எரிபொருள் ஏற்றிச் சென்ற கப்பல் ஒன்று சிங்கப்பூருக்கு விரைவாகச் செல்ல வேண்டியிருந்ததால், வழக்கமான கட்டணத்துடன் கூடுதலாக 4 மில்லியன் டொலரை (சுமார் 120 கோடி ரூபா) ஏலத்தில் செலுத்தி தனது இடத்தைப் பிடித்துள்ளது.
காரணம்: ஹார்முஸ் நீரிணையில் ஏவுகணை மற்றும் ட்ரோன் தாக்குதல்கள் அதிகரித்துள்ளதால், மத்திய கிழக்குக் கடல் வழியாகச் செல்வது ஆபத்தானது என நிறுவனங்கள் கருதுகின்றன. “குண்டுவீச்சுகள் மற்றும் ஏவுகணைகளுக்குப் பயந்து, நிறுவனங்கள் அதிக பணம் செலுத்தியாவது பனாமா கால்வாய் வழியாகச் செல்வதே பாதுகாப்பானது எனத் தீர்மானிக்கின்றன,” என ஆய்வாளர்கள் தெரிவிக்கின்றனர்.
பொருளாதார தாக்கம்: இந்தத் திடீர் மாற்றங்களால் உலகளாவிய விநியோகச் செலவு அதிகரித்துள்ளது. இதனால் கச்சா எண்ணெய் விலை பீப்பாய் ஒன்று 107 டொலரைத் தாண்டியுள்ளது.
