வெலிகம பிரதேசசபை தலைவர் லசந்த விக்கிரமசேகர சுட்டுக்கொல்லப்பட்ட சம்பவம் நாட்டில் அதிகரித்து வரும் துப்பாக்கிசூட்டு சம்பவங்கள் குறித்து அரசாங்கமும் சட்டஅமுலாக்கல் பிரிவினரும் அலட்சியமாக உள்ளனரா என்ற கரிசனையை எழுப்பியுள்ளது.
நாட்டின் பல பகுதிகளில் திட்டமிட்ட குற்றக்கும்பல்களின் துப்பாக்கி சூட்டு சம்பவங்கள் அதிகரித்து வரும் நிலையில் பொதுமக்கள் பாதுகாப்பு குறித்து அதிகரித்து வரும் அச்சத்தையும் இது வெளிப்படுத்தியுள்ளது.
ஐக்கிய மக்கள் சக்தியின் வெலிகமபிரதேசசபை தலைவர் துப்பாக்கிசூட்டிற்கு இலக்காகி உயிரிழந்துள்ளார்.
தேசிய மக்கள் சக்தி அரசாங்கத்தின் கீழ் இடம்பெற்ற முதலாவது அரசியல் கொலையிது. இதன் காரணமாக நாடாளுமன்றத்தில் நேற்று பெரும் அமளிதுமளி நிலவியது.
எதிர்கட்சியினர் நாட்டின் சட்டமொழுங்கு குறித்து கேள்வி எழுப்பினர்.
2025 இல் இடம்பெற்ற 103வது துப்பாக்கி சூட்டு சம்பவம் இதுவென்பது குறிப்பிடத்தக்கது.இதில் 76 சம்பவங்கள் திட்டமிட்ட குற்றக்கும்பலுடன் தொடர்புடையவை.இந்த துப்பாக்கி சூட்டு சம்பவங்கள் காரணமாக அப்பாவி பொதுமக்கள் உட்பட 52 பேர் கொல்லப்பட்டுள்ளனர்.
வெலிகம பிரதேசசபைதலைவர் தனது அலுவலகத்தில் அமர்ந்திருந்தபோது மோட்டார் சைக்கிளில் வந்த இரண்டு அடையாளம் தெரியாத துப்பாக்கிதாரிகளால் அவரது தலையில் மூன்று முறை சுடப்பட்டார்.
பிரதேச சபை அதிகாரிகள் தலைவரை மாத்தறை பொது மருத்துவமனைக்கு கொண்டு சென்றனர் ஆனால் பின்னர் அவர் சிகிச்சை பலனின்றி உயிரிழந்தார்.
வெள்ளை நிற உடை மற்றும் கருப்பு முகமூடி அணிந்த சாதாரண நபர் போல உடையணிந்து ஒரு கடிதத்தில் வெலிகம பிரதேசசபைதலைவரின் கையொப்பத்தை கோரும் நபராகவேடமிட்டு துப்பாக்கிச் சூடு நடத்தியவர் உள்ளே நுழைந்ததாக தெரிவிக்கப்பட்டது.
நேற்று பொது நாள் என்பதால் பொதுமக்கள் அவரைச் சந்திக்க நேரம் வழங்கப்பட்டதாக போலீசார் தெரிவித்தனர்.துப்பாக்கிச் சூடு நடத்திய நபர் தலைவர் அலுவலகத்திற்குள் நுழைந்து அவர் தனது அதிகாரப்பூர்வ நாற்காலியில் அமர்ந்திருந்தபோது அவரது தலையில் சுட்டதாக தெரியவந்தது.
துப்பாக்கிச் சூட்டுக்குப் பிறகு துப்பாக்கிச் சூடு நடத்தியவர் மோட்டார் சைக்கிளில் தப்பிச் சென்றார். சந்தேக நபர் அலுவலகத்திற்குள் நுழைந்து மற்றொரு சந்தேக நபருடன் மோட்டார் சைக்கிளில் தப்பிச் செல்வதை சிசிடிவி காட்சிகளில் காணலாம்.
வெலிகம பிரதேசசபை தலைவர்தலைவர் தலை மற்றும் கழுத்தில் துப்பாக்கிச் சூட்டுக் காயங்களால் பலத்த காயமடைந்தார்.
மிடிகமவைச் சேர்ந்த லசந்த விக்ரமசேகரவுக்கு 38 வயது.
கொலைக்கு பிஸ்டல் வகை துப்பாக்கி பயன்படுத்தப்பட்டதாக போலீசார் தெரிவித்தனர்.
லசந்த விக்ரமசேகர கடந்த உள்ளூராட்சி மன்றத் தேர்தலில் ஐக்கிய மக்கள் சக்திவேட்பாளராகப் போட்டியிட்டு அதன் பிரதேசசபை தலைவராகத் தேர்ந்தெடுக்கப்பட்டதாக தெரிவிக்கப்பட்டது.
தற்போது சிறையில் அடைக்கப்பட்டுள்ள நதுன் சிந்தக அல்லது ‘ஹரக் கட்டா’வின் நெருங்கிய கூட்டாளியாக அவர் அடையாளம் காணப்பட்டுள்ளதாக போலீசார் தெரிவித்தனர்
