பாரிய அளவில் போதைப்பொருள் கடத்தலில் ஈடுபட்டவர்களிற்கு குறுகிய காலத்திற்குள் மரணதண்டனையை அல்லது அதற்கு ஈடான தண்டனையை வழங்குவது குறித்து அரசாங்கம் சிந்திக்கவேண்டும் என இலங்கை மனித உரிமை ஆணைக்குழுவின் முன்னாள் ஆணையாளர் பிரதிபா மஹாநாமஹேவா வேண்டுகோள் விடுத்துள்ளார்.
சிங்கப்பூர் இந்தியா ஜப்பான் உட்பட பல நாடுகள் போதைப்பொருள் கடத்தலை கட்டுப்படுத்துவதற்காக தற்காலிகமாக மரணதண்டனையை நிறைவேற்றிவருவதாக அவர் தெரிவித்துள்ளார்.
திட்டமிட்ட குற்றங்களில் ஈடுபட்டவர்களும் போதைப்பொருள் குற்றவாளிகளும் தற்போது பயங்கரவாத தடைச்சட்டத்தின் கீழ் தடுத்துவைக்கப்பட்டுள்ளனர் என தெரிவித்துள்ள அவர் பயங்கரவாத தடைச்சட்டம் நீக்கப்பட்டால் இவர்களை விடுதலை செய்யவேண்டிய நிலையேற்படலாம் இதன் காரணமாகபயங்கரவாத தடைச்சட்டத்தினை நீக்குவதற்கு முதல் திட்டமிடப்பட்ட குற்றச்செயல்களை கட்டுப்படுத்த புதிய சட்டத்தை அறிமுகப்படுத்தவேண்டும் என வேண்டுகோள் விடுத்துள்ளார்.
