bbc
உணவை தேடி சேறுநிறைந்த வீதிகளில் மக்கள் அலைந்து திரிகின்றனர்இசிலர் சேதமடைந்த கடைகளிற்குள் நுழைந்து தண்ணீர் போத்தல் அல்லது ஏதாவது உணவு கிடைக்குமா என பார்க்கின்றனர்.
ஜமைக்காவில் மெலிசா சூறாவளி பெரும் சேதத்தை ஏற்படுத்திய பின்னர் காணப்படும் நிலைமை இது.
சூறாவளியில் சிக்கி உயிரிழந்தவர்களின் எண்ணிக்கை அதிகரித்து வரும் நிலையில் பிளக் ரிவர் மக்கள் தங்கள் அன்புக்குரியவர்களை இன்னமும் தேடிவரும் அதேவேளை உயிர்வாழ்வதற்கான போராட்டத்தில் ஈடுபட்டுள்ளனர்.
மெலிசா இந்த துறைமுகநகரை முற்றாக அழித்துள்ளது கரீபியனின் வேறு பல நகரங்களினதும் நிலை இந்த நகரத்தை போன்று காணப்படுகின்றது.
மெலிசா தாக்கியதை தொடர்ந்து கடந்த மூன்று நாட்களாக தாங்கள் மிகவும் குழப்பமான நிலையில் உள்ளதாக மக்கள் தெரிவிக்கின்றனர்.
இந்த நகரத்தில் வீசிய பலத்த காற்று மற்றும் கிட்டத்தட்ட அனைத்தையும் அழித்துள்ளது.சாலைகள் பயன்படுத்த முடியாதவையாகவும் அழிவின் பாதையாகவும் மாறியுள்ளன.
மக்கள் மின்சாரம் குடிநீர் இல்லாத நிலைக்கு தள்ளப்பட்டுள்ளதுடன் பெரும் நெருக்கடி நிலைக்கு தள்ளப்பட்டுள்ளனர்.
கவிழ்ந்த படகுகள் சாலை ஓரத்தில் கிடக்கின்றன. செங்கல் கட்டிடங்கள் பாதியாகப் பிரிக்கப்பட்டுள்ளன. மரக்கிளைகளுக்கு இடையில் ராட்சத உலோகங்கள்வாகனங்கள் நொறுங்கிய துண்டுகளாக கிடக்கின்றன.
பிபிசியிடம் பேசிய மக்கள்இதுவரை அந்தப் பகுதியில் எந்த உதவி லாரிகளையும் காணவில்லை என்றும் கிங்ஸ்டனுக்கு மேற்கே கிட்டத்தட்ட 150 கிமீ (93 மைல்) தொலைவில் உள்ள கடலோர நகரத்தில் சாலைகளில் இடிபாடுகளில் கிடைக்கும் உணவை உண்ண வேண்டியுள்ளது என்றும் விவரித்தனர்.
மற்றவர்கள் தங்களால் இயன்றதை எடுத்துக் கொண்டு சேதமடைந்த பல்பொருள் அங்காடிகளுக்குள் நுழைந்தனர். பகுதியளவு அழிக்கப்பட்ட ஒரு சந்தையின் மேல் ஏறிய சிலர் உணவு மற்றும் தண்ணீர் பாட்டில்களை கீழே எறிந்தனர் அங்கு மக்கள் கைகளை நீட்டியபடி காணப்பட்டனர்.
தெருவிலும் பல்பொருள் அங்காடியிலும் நாம் காணும் அனைத்தையும் பயன்படுத்த வேண்டும்” என்று டெமர் வாக்கர்
தெரிவித்தார்
சந்தையின் கூரை இடிந்து விழுந்ததால் தானும் மற்றவர்களும் சந்தைக்குள் ஏறி தங்களால் முடிந்ததை எடுத்துச் செல்ல வேண்டியிருந்தது என்று அவர் கூறினார். தேவைப்படுபவர்களுக்கு தண்ணீர் மற்றும் பொருட்களை அவர்கள் வீசினர்.
“நாங்கள் சுயநலமாக இருக்கவில்லை மற்றவர்களுக்கு உணவை வீச வேண்டியிருந்தது” என்று அவர் கூறினார்.
அருகிலுள்ள மற்றவர்கள் பிளாக் ரிவரில் உள்ள ஒரு உள்ளூர் மருந்தகம் சூறையாடப்பட்டதாக பிபிசியிடம் தெரிவித்தனர் மக்கள் மதுபானங்களை கைநிறைய எடுத்துச் சென்று உள்ளேயும் வெளியேயும் ஓடியதால் ஏற்பட்ட அராஜகத்தை விவரித்தனர்.
“சேற்றில் மூழ்கியிருந்த பொருட்கள் வெளியே இழுக்கப்படுவதை நான் பார்த்தேன்” என்று ஆல்ட்வெய்ன் டாம்லின்சன் பிபிசியிடம் கூறினார்..
“ஒரு பெண் ‘நான் போய் கொஞ்சம் மது வாங்க வேண்டும்’ என்று சொல்வதைக் கேட்டேன். அப்போதுதான் அவர்கள் மருந்தகத்தையும் சூறையாடுகிறார்கள் என்பது எனக்குத் தெரியும்” என்று அவர் கூறினார்
சாலையில் குப்பைக் குவியலின் மேல் நிற்கும் ஒரு பெண் அங்குள்ள சூழ்நிலையை “குழப்பம் குழப்பம்.உணவு இல்லை. தண்ணீர் இல்லை” என்று விவரிக்கிறார்.
“எங்களுக்குப் பணம் கிடைக்கவில்லை. எங்களுக்கு உதவி தேவை. எந்த உதவியும் வரவில்லை” என்று சேகுன் பிரஹாம் தொடர்கிறார்.
ஒரு தம்பதியினர் பிபிசியிடம் அந்தப் பகுதியில் தங்களுக்கு பல கடைகள் இருப்பதாகவும் அவற்றில் பல கொள்ளையடிக்கப்பட்டதாகவும் கூறினர். எதிர்காலத்தில் திருட்டுகளைத் தடுக்கும் நம்பிக்கையில் அவர்கள் இப்போது தங்கள் கடைகளில் ஒன்றின் வெளியே காவலுக்கு நிற்கிறார்கள்.
நமக்கு உணவு தேவை’
சந்தையிலிருந்து சிறிது தூரம் நடந்து சென்ற ஜிம்மி எஸ்சன் தரையில் விழுந்த ஒரு பெரிய இரும்புத்துண்டின் மீது மீது சாய்ந்தார்.
“நான் எல்லாவற்றையும் இழந்துவிட்டேன் என் எல்லா பொருட்களையும் இழந்தேன்” என்று அவர் கூறினார். “எங்களுக்கு உணவு தேவை. எங்களுக்கு உணவு இல்லை.”
இங்குள்ள பெரும்பாலான மக்களின் மனதில் உயிர்வாழ்வதுதான் முதன்மையான கவலை. மற்றொன்று அதிகரித்து வரும் இறப்பு எண்ணிக்கை. ஜமைக்காவில் உள்ள அதிகாரிகள் வியாழக்கிழமை நாட்டில் குறைந்தது 19 பேர் இறந்துவிட்டதாகக் கூறினர் இது முந்தைய நாள் கணக்கிடப்பட்ட ஐந்து பேரின் எண்ணிக்கையிலிருந்து ஒரு பெரிய தாவல். புயல் காரணமாக அண்டை நாடான ஹைட்டியில் மேலும் 30 பேர் இறந்துள்ளனர்
