“ஓடுங்கள் ஓடுங்கள் ஒரு நபர் எல்லோரையும் கத்தியால் குத்துகின்றார்என அலறிய மக்கள்-கத்திகுத்தில் ஈடுபட்டவர் மீது தாக்குதல் நடத்தி இளம்பெண்ணை காப்பாற்றிய முதியவர் ‘ லண்டன்புகையிரத கத்திக்குத்து சம்பவத்தை நேரில் பார்த்தவர் தகவல்

கத்தியால் குத்தப்பட்ட பயணிகளின் உடலில் இருந்து குருதி வெளியேறிக்கொண்டிருந்தது ஏனைய பயணிகள் அச்சத்தில் உறைந்துபோயிருந்தன என லண்டனில் கேம்பிரிஜ்ஷையரில் புகையிரதத்தில் இடம்பெற்ற கத்திக்குத்து சம்பவத்தை நேரில் பார்த்த ஒருவர் தெரிவித்துள்ளார்
இந்த சம்பவத்தில் 10 பேர் ஆபத்தான காயங்களிற்குள்ளாகியுள்ளனர்.
ஓடுங்கள் ஓடுங்கள் ஒரு நபர் எல்லோரையும் கத்தியால் குத்துகின்றார் என மக்கள் அலறினார்கள் என பிபிசியிடம் தெரிவித்துள்ள ஒலிபொஸ்டர் மக்கள் அது இரவு நேர ஹலோவின் ஏமாற்றுவிளையாட்டு என கருதியதாகவும் தெரிவித்துள்ளார்.

மக்கள் புகையிரதபெட்டியிலிருந்து அவசரமாக வெளியேற தொடங்கியதும்; எனது கரங்களில் குருதி உள்ளதை உணர்ந்தேன்நான் பிடித்துக்கொண்டிருந்த கதிரை முழுவதும் இரத்தம் காணப்பட்டது என அவர் தெரிவித்துள்ளார்.
அந்த நபர் ஒரு இளம்பெண்ணை கத்தியால் குத்துவதை முதியவர் ஒருவர் தடுத்தார்இதனால் அவரது தலை கழுத்தில் காயம் ஏற்பட்டது என தெரிவித்துள்ள பொஸ்டர் அவரது உடலில் இருந்து இரத்தம் வெளியேறுவதை கட்டுப்படுத்துவதற்காக பயணிகள் தங்கள் உடைகளை பயன்படுத்தினார்கள் என குறிப்பிட்டுள்ளார்