மணிக்கு 155 கிலோமீற்றர் வேகத்தில் வீசிய காற்று காரணமாக நியுசிலாந்தில் ஒரு இலட்சத்திற்கும் மேற்பட்ட வீடுகளிற்கான மின்சாவிநியோகம் துண்டிக்கப்பட்டுள்ளதாக அதிகாரிகள் தெரிவித்துள்ளனர்.
100க்கும் மேற்பட்ட விமானங்களின் சேவைகள் இடைநிறுத்தப்பட்டுள்ளதாகவும் அதிகாரிகள் தெரிவித்துள்ளனர்.
தென்பகுதி தீவும்,வடபகுதி தீவின் தென்பகுதியும் மோசமாக பாதிக்கப்பட்டுள்ளதாக தகவல்கள் வெளியாகியுள்ளன.
நியூசிலாந்து அதிகாரிகள் வியாழக்கிழமை முன்னதாக கேன்டர்பரி மற்றும் வெலிங்டன் உள்ளிட்ட மத்தியப் பகுதிகளில் அரிய சிவப்பு காற்று எச்சரிக்கைகளை வெளியிட்டனர் – இது மிக உயர்ந்த எச்சரிக்கை நிலை – ஆனால் அவர்கள் சில மணிநேரங்களுக்குப் பிறகு அவற்றை நீக்கினர்.
சில இடங்களில் வீடுகளின் கூரைகள்இடிந்து விழுந்துள்ளதாகவும் மரங்கள் மற்றும் மின் கம்பங்கள் சாய்ந்துள்ளதாகவும் கூறப்படுகிறது. வெலிங்டனில் ஒரு மரக்கிளைவிழுந்து ஒருவர் இறந்தார்.
மக்கள் பயணத்தைத் தவிர்க்கவும் மேலும் மின்சாரம் மற்றும் தகவல் தொடர்புத் தடைகளுக்குத் தயாராகவும் கேட்டுக் கொள்ளப்பட்டுள்ளனர்.
மின்வெட்டு பெரும்பாலும் தெற்குத் தீவில் உள்ள வீடுகளைப் பாதித்து வருவதாகத் தெரிகிறது இருப்பினும் மின்சாரம் படிப்படியாக மீட்டெடுக்கப்பட்டு வருவதாக அதிகாரிகள் கூறுகின்றனர்.
செவ்வாய்க்கிழமை மரக்கிளை விழுந்து கொல்லப்பட்ட நபர் நியூசிலாந்து தலைநகரில் பிரபலமான நடைபாதையில் சென்று கொண்டிருந்தார்..
காற்று காரணமாக நகரத்திற்கு உள்ளேயும் வெளியேயும் விமானங்கள் ரத்து செய்யப்பட்டுள்ளன அதே நேரத்தில் சில சாலைகள் மற்றும் நூலகங்களும் மூடப்பட்டுள்ளன.
இதற்கிடையில் பேரிடர் மீட்பு முயற்சிகளை ஆதரிக்க கேன்டர்பரி அதிகாரிகள் அவசரகால நிலையை அறிவித்துள்ளனர்.
தெற்குத் தீவு முழுவதும் கனமழை பெய்யும் என்றும்இ கேன்டர்பரியில் உள்ள வைமகரிரி ஆற்றில் நீர்மட்டம் வேகமாக உயரும் என்றும் அதிகாரிகள் எச்சரித்துள்ளனர். வரும் சில மணிநேரங்களில் நதி நிரம்பி வழியும் என்றும் உள்ளூர்வாசிகள் வெளியேற்றத்திற்குத் தயாராக இருக்குமாறு உள்ளூர் அதிகாரிகள் வலியுறுத்தியுள்ளனர்.
