மொனராகலையில் மாணிக்க கங்கை பகுதிக்குள் காணப்படும் இரண்டுஅடுக்கு மாடிவீடு யாருடையது என்பதை கண்டுபிடிப்பதற்கான முயற்சிகளை சிஐடியினர் தீவிரப்படுத்தியுள்ளனர்.
அந்த கட்டிடம் ஜி ராஜபக்ச என்பவரின் பெயரில் உள்ளது, ஆனால் முன்னாள் ஜனாதிபதி கோட்டாபய ராஜபக்ச அது தன்னுடையதில்லை என தெரிவித்து வருகின்றார்.
சுற்றுசூழல் ரீதியில் மிகவும் முக்கியமான பகுதியில் அவ்வாறானதொரு கட்டிடத்தை எப்படி கட்டினார்கள் என்பதே முக்கிய கேள்வியாக காணப்படுகின்றது.
2007 இல் இ;ந்த கட்டிடத்தின் கட்டுமானப்பணிகள் ஆரம்பமான நிலையில் குறித்து கட்டிடம் பற்றி பல அரசஸ்தாபனங்கள் சிஐடியினரிடம் முறைப்பாடு செய்ததை தொடர்ந்து இந்த கட்டிடம் குறித்து கவனம் திரும்பியது.
முகநூல் பதிவொன்றில் கோட்டாபய ராஜபக்ச அந்த கட்டிடம் தன்னுடையது என தெரிவிக்கப்படுவதை நிராகரித்துள்ளார்.’’கதிர்காமம் மாணிக்க கங்கைக்கு அருகில் உள்ள கட்டிடம் என்னுடையதல்ல என்பதை நான் உறுதியாக தெரிவிக்க விரும்புகின்றேன்.ஜி ராஜபக்ச என்ற பெயரின் கீழ் அந்த வீட்டிற்கு மி;ன்சார இணைப்பை பெறுவதற்கு விண்ணப்பித்துள்ளதாலேயே எனது பெயர் இதில் தொடர்புபடுத்தப்பட்டுள்ளது,ஆனால் மின்சார இணைப்பிற்கான விண்ணப்பத்தில் உரிய கையெழுத்து இல்லை,என அவர் தெரிவித்துள்ளார்.
12 அறைகளை கொண்ட பெரிய மாடிவீட்டை விட பெரிய அந்த கட்டிடத்தை மொனராகலயின் நீர்ப்பாசன திணைக்களம் கையகப்படுத்தியுள்ளதாக அதிகாரியொருவர் தெரிவித்துள்ளார்.
நீர்ப்பாசன திணைக்களத்தின் ஏனைய பிரிவுகளின் அதிகாரிகளின் விஜயத்தின் போது இந்த கட்டிடத்தை பயன்படுத்த திட்டமிட்டுள்ளோம் என அந்த அதிகாரி தெரிவித்துள்ளார்.
குறிப்பிட்ட கட்டிடத்தின் சட்டபூர்வதன்மை;, உரிமை மற்றும் நோக்கம் குறித்து சிஐடியினர் விசாரணைகளை மேற்கொண்டுள்ளனர் என பொலிஸார் தெரிவித்துள்ளனர்.
